مخاطر البودره المائيه كتير من البنات بتستخدم البودرة المائية لأنهم شايفين أو معتقدين أنها أسهل ونسبة التغطية عالية وثابتة طول اليوم، طيب تعالوا نفكر شوية مع بعض... معظم الشعب المصري بشرتهم دهنية يعني مسام واسعة.. ماشي.. البودرة المائية عبارة عن مجموعة أكاسيد مضاف اليها... بودرة التلك عشان تتماسك زي كده ما تعملي كيكة مكونة من بيض وزبدة ..الخ وتمسكيها بالدقيق .. البودرة المائية نفس الشئ بودرة + مياه = عجينة حضرتك يوميا بتحشي بها مسام وجهك الواسعة وتسيبيها في التراب والشمس تتفاعل على وجهك وتيجي حضرتك آخر النهار تغسلي وشك بمياه وصابون وشكرا...... انتي عارفة انتي عملتي ايه في وشك؟؟؟؟؟؟؟ حشيتي المسام بعجينة ولما جيتي تشليها شلتي اللي على السطح فقط وسبتي الباقي يدخل جوه يعمل اللي هو عاوزه... هتسألي يعمل ايه يعني؟؟ ببساطة ابتداءا من البقع وانتهاءا بالحبوب .. عرفتي بقى عملتي ايه؟؟؟ النقطة الثانية تعالي كده في الشتاء بللي وشك بشوية مياه وسيبيه ينشف لوحده .. ايه اللي هيحصل؟؟؟ بالبلدي كده هيقشف.... عارفة كلكم بتضحكوا.. لكن مش هو ده اللي بيحصل كمان بالاضافة للقشف الوش بيحصل له عملية شد ويفضل مشدود طول النهار وبعدين لما تيجي حضرتك تغسليه الجلد بيرجع لحالته الطبيعية تعالي كده امسكي قطعة استك وافضلي شدي وارخي فيها .. هيحصل لها ايه؟؟؟ آيوه .. ترهل وبالنسبة للجلد "تجاعيد"" وحطوا تحتها مليون خط ...مع الوقت شد وجذب في البشرة النتيجة المحققة والمؤكدة هي ظهور التجاعيد وللأسف بتظهر بدري للأسباب كتيرة ده واحد منها يا بنات ربنا اعطى لكم نعمة كبيرة قوي وغالية قوي ليه بتعملوا فيها كده؟؟؟؟؟؟؟ هو لما يبقى عندي عشرة مليون جنيه ارمي كل جنيه في ناحية ولا اخاف عليهم واشيلهم في البنك؟ طيب وهو في أغلى من نعمة الوجه الجميل اللي ربنا اعطاها لنا نحافظ عليها ولا نهينها ونبهدلها؟؟؟؟ وبعدين نرجع نشتكي وشي نشف .. وشي بقع .. ومش عارفين ليه.......... ارجوكم كفاية بودرة مائية .. ارحموا بشرتكم وسيبوها تتنفس
نصيحة استخدمى ماسكات هقولهالك بس خليكى معايا
الرئيسية 
موضوع: مخاطر البودرة المائية 
الأربعاء أبريل 28, 2010 6:16 pm